زمان الأنا

هذا زمان الأنا
كل واحد براسو يتباهى
كل واحد يلغي بلغاه
وماتمسع غير أنا وأنا
حال واش من حال
آش هاذ الوقت لي قسات
العقول طاشت
العيون زاغت
القلوب حالها يبكي يا لحباب
الضمير مسكين مات
وهو اليوم فخبر كان
ناس حيرتهم الدنيا
ونساو راها فانية
كلشي دايز وفايت
حسبوها دايما
ها العمى
ها لي على الطمع تابع الفلوس يلهف
ها لي هاز رزامي الحقد والحسد
ها لي بدل اللحية بقلة الحية بإسم الحرية
حتى المعقول رجع مغشوش
رجعوا الكاذب صادق
و المظلوم ظالم
و الخبيث حطوه قدوة الأجيال
حال واش من حال
وفين ناس زمان
الحشمة والإخلاص
العفة والأخلاق
والطيبة والمعقول
والكلام موزون بالحكمة مرشوش
لكن ذلك الوقت فات
وقالوا لي فات مات
يكفينا زمان الأنا
كل واحد براسو يتباهى


شاهد أيضا
تعليقات
تعليقات الزوار
Loading...